Tuesday, April 6, 2010

മകനേ പുനര്‍ജ്ജനിക്ക....!!!!!!!!

നിള ശാന്തമായ്  ഒഴുകവേ ,തീരത്ത് 
പുനര്‍ജ്ജനി തേടി ഒരു പിടി ആത്മാക്കള്‍ 
ജനിക്കാതെ പോയൊരാ പുത്രനില്‍ 
മോക്ഷം തേടി അലയുന്ന പിതൃക്കള്‍ 
ജന്മാന്തരങ്ങള്‍ക്കുമപ്പുറത്ത് ,
നിനക്കായി കുറിച്ഹിട്ടതാണീ നിയതി 
മകനേ നീ ജനിക്കണം ,തീര്‍ച്ച
ഇവിടെ നിനക്കായി കാതോര്‍ത്തിരിക്കയായി 
ജനിമൃതികള്‍ക്കും അപ്പുറമൊരു തര്‍പ്പണം ....
ഈ പാപനാശിനി നിനക്കായി ഒഴുകയായ് 
നിന്നില്‍ നിന്നുമുതിരുന്ന എള്ളുമണികള്‍ക്കായ് 
ഈ ഗര്‍ഭപാത്രം നീ മറന്നീടുക ,
മറക്കൊല്ലേ മകനേ നിന്നസ്ത്വിത്ത്വം !!!!
നീ ജനിക്കാതെ പോയതെനിക്കായിരിക്കാം 
പക്ഷേ ,നിനക്കായ്‌ തപിച്ചത് നിന്‍ പിതൃക്കള്‍ 
മകനേ , നീ ജനിക്കണം തീര്‍ച്ച ,
(ഈ നിള ഒഴുകുന്നതിന്നു നിനക്കായ്‌ )
ഉള്ളിലെ ചൂട് പുറമേ മറച്ചു ,മോക്ഷ-
പ്രാപ്തി തന്‍ കുളിരിന്റെ കരബലിക്കായി,
നിന്‍ പുനര്‍ജ്ജനി തേടിയീ തീരത്ത്
അലയുന്നു,അശാന്തരാം നിന്‍ പിതൃക്കള്‍ .
മകനേ , നീ ജനിക്കണം തീര്‍ച്ച !!!!!!!!!!!

No comments:

Post a Comment

അഭിപ്രായം രേഖപ്പെടുത്താം..ഇനിയും നന്നാക്കാന്‍.. വായിക്കാനും വായിക്കപ്പെടാനും വേണ്ടി :)